WAEC, NECO sun saka kuɗin N4,000 na tabbatar da sakamakon O’Level
Hukumar WAEC da NECO sun ƙaddamar da sabon kuɗin N4,000 a matsayin kuɗin tabbatar da sakamakon O’Level ga ɗaliban da ke neman gurbin karatu a manyan makarantu.
Hukumar ta ce manufar tsarin ita ce sauƙaƙa wa ɗaliban da suka riga suka tabbatar da sakamakonsu, domin kada su sake biyan kuɗin tabbatarwa.
Sai dai matakin ya jawo suka, inda ake ganin sabon kuɗin na iya ƙara wa iyalai nauyin kuɗaɗen karatu.
A shekarar 2026, ɗalibai 1,959,668 ne suka rubuta jarabawar WASSCE ta Mayu/Yuni. Idan kowanne ɗalibi zai biya N4,000, adadin kuɗin da za a tara zai kai kusan N7.84 biliyan.
Masu sukar matakin suna kira ga gwamnati da hukumomin jarabawar da su soke wannan kuɗin, domin kada ya zama wani ƙarin cikas ga ɗaliban Najeriya wajen samun ilimi.
About The Author
